Զսպանակային բլոկը ներքնակի «ողնաշարն» և նրանից է կախված մեր գիշերային հանգստի որակը և ներքնակի երկարակեցությունը։ Ի տարբերություն ներքնակի օրթոպեդիկ հատկություն ունեցող մյուս բաղադրիչների՝ զսպանակային բլոկի տեսականին մեծ չէ։ Մինչ օրս լայնորեն գործածվում են երկու տեսակի բլոկներ․ կապակցված և անհատական։ Այս հրապարակման մեջ կխոսենք դրանցից յուրաքանչյուրի մասին։
Կապակցված զսպանակային բլոկն այլ կերպ անվանում են նաև Bonnell: Այս տեսակն ավելի հին պատմություն ունի, քան անհատականը, և արդեն գրեթե երկու դար համարվում է ամենամեծ պահանջարկ ունեցողը ներքնակների և փափուկ կահույքի համար նախատեսված զսպանակների շուկայում։ Այն կազմված է 4-5 փաթույթ ունեցող զսպանակների մեկ շերտից։ Այդ շերտերն իրար միացնելու համար օգտագործվում է գալար։
Կապակցված զսպանակային բլոկով պատրաստված ներքնակների գինը շուկայում կարող է տարբերվել, ինչն էլ պայմանավորված է զսպանակների հումքով։ Այսինքն՝ որքան որակյալ է զսպանակների պողպատը, այնքան ամուր ու դիմացկուն է նրանից պատրաստված ներքնակը։
Այս տեսակի զսպանակային բլոկ ունեցող ներքնակները օրթոպեդիկ դժվար է անվանել, քանի որ զսպանակներն առանձին չեն շարժվում, հետևաբար ողնաշարի ճիշտ կետերին աջակցություն ապահովել չի ստացվում։ Փոխարենը այս բլոկը ստեղծում է ցանցաճոճի էֆֆեկտ, ինչն իդեալական տարբերակ է ծանր քաշ ունեցող մարդկանց համար։
Կապակցվածի փոխարեն օրթոպեդիկ հատկություններ ունի անհատական զսպանակային բլոկը։ Այս տեսակի բլոկին երբեմն անվանում են նաև Pocket spring:
Անհատական զսպանակային բլոկում յուրաքանչյուր զսպանակ տեղադրված է առանձին գրպանիկի մեջ, որն անկախ է իր հարևան գրպանիկից։ Անհատական զսպանակային բլոկի ամենամեծ առավելություններից մեկն այն է, որ այս ներքնակները հարմար են երկուսով քնելու համար, քանի որ մեկի շարժվելու ընթացքում ներքնակի մյուսի հատվածն անշարժ է մնում, բացի այդ ճռռոց չեն առաջացնում, քանի որ իրար չեն դիպչում։
Մյուս առավելությունն այն է, որ այն հավասարաչափ է բաշխում իր վրա կրած մարմնի ծանրությունը, ընդունում մարմնի կորությունները և ճիշտ կետերում աջակցում ողնաշարին։
Զսպանակային բլոկի այս տեսակն ունի իր ենթատարբերակները։ Վերջիններս իրարից տարբերվում են զսպանակների տրամագծերի չափերով, զսպանակների ձևով (օրինակ՝ ավազի ժամացույցի տեսքով)։ Որոշ դեպքերում ներքնակի օրթոպեդիկ ազդեցությունը մեծացնելու, ավելի ծանր կամ երկու հոգու քաշ կրելու և առավելագույն հարմարավետություն ապահովելու համար կիրառվում է անհատական զսպանակային բլոկի կրկնակի շերտ՝ կազմված տարբեր տրամագծի զսպանակներից։ Այդպիսի ներքնակներից է, օրինակ, Haybed-ի մասնագետների կողմից պատրաստված Triple Fresh-ը:
