Օրթոպեդիկ ներքնակների տեսակները

Օրթոպեդիկ ներքնակները քնի ընթացքում ապահովում են ողնաշարի ճիշտ դիրքը։ Դրանց առավելությունների մասին կարդացեք մեր նախկին հոդվածում։ Այսօր շուկայում կարող եք հանդիպել տարբեր գնային սահմանների, տարբեր լցանյութերի ու կառուցվածքի ներքնակներ։ Դժվարը ճիշտ ու անվնաս ընտրություն կատարելն է։ Առաջարկում ենք ծանոթանալ, թե ինչպիսի տեսակներ է ունենում օրթոպեդիկ ներքնակը։

Առանց զսպանակի ներքնակ

Անունից արդեն հասկանալի է, որ այսպիսի ներքնակները զսպանակներ չունեն։ Դրանց կառուցվածքում ներառված են առաձգական նյութի մի ամբողջ խումբ՝ լատեքս, կոկոսի մազմզուկներ կամ բնական այլ նյութեր, պոլիուրեթանային փրփուր և այլն։ Առանց զսպանակների ներքնակները լինում են տարբեր կոշտության։ Այս տարբերակներն առաձգական են, շատ հարմար և կհամապատասխանեն այն մարդկանց, ում դուր չի գալիս զսպանակային ազդեցությունը։ Հիշեք, որ ամենակոշտ ներքնակները միշտ առանց զսպանակ են լինում։

Զսպանակավոր ներքնակ

Այս ներքնակները լինում են 2 տեսակի․
Կախված զսպանակների Bonnel բլոկով, որում զսպանակները կապված են իրար և ճնշման դեպքում քաշում են իրար։
Անկախ զսպանակային բլոկով, որտեղ յուրաքանչյուր զսպանակ գտնվում է իր առանձին գրպանի մեջ, այսինքն՝ ճնշման դեպքում դեպի իրեն չի քաշում կողքի մյուս զսպանակներին և չի ստեղծում «ալիքի» ազդեցություն։

Հիբրիդային ներքնակ

Այս տարբերակը նորույթ է, որը համատեղում է ժամանակակից առաձգական փրփուրանյութերն ու անկախ զսպանակների բլոկը։ Այսպիսի ներքնակների դեպքում զսպանակները հիմնականում լինում են ոչ բարձր, մոտավորապես 3-4 սմ, այդ իսկ պատճառով դրանց հիմնականում անվանում են միկրոզսպանակներ։ Դրանք տեղավորվում են իրենց սեփական գրպաններում և համապատասխանաբար էլ արձագանքում մարդու մարմնի զանգվածի ճնշմանը։ Այս տարբերակները լավագույնս ապահովում են ողնաշարի անատոմիական դիրքը։

Որոշ դեպքերում զսպանակներից վերև օգտագործվում է հիշողության սպունգ՝ ավելի հարմարավետ դարձնելով ներքնակը։

Source: https://www.kp.ru/guide/ortopedicheskie-matrasy.html?fbclid=IwAR2BOoCn3_rDADb1CUNucMIESbTJEqZ4_1v1abMnxoPoX-8EtjoYZ5rP95s